يا هوه يا عالم يا نظره يا  نبضـات

بالمختصـر حِنّـا ترانـا  حزينيـن

أكبر فجيعه تصيب شعب  الإمـارات

رحيل زايد عـن عيـون  الملاييـن

يا ليت زايـد حـي فينـا ولا مـات

يا ليت ربـي مـدّه سْنيـن وسنيـن

كن الكدر من قبل ذا اليوم مـا فـات

وكن الوجع ما مرّنا غير ذا  الحيـن

وجه المدينـه والشـوارع حزينـات

وانشقت الأرض بْوجـع  هالمودّيـن

تبكيك يـا زايـد جميـع الرسـالات

تبكيك يـا زايـد ثكالـى  فلسطيـن

تبكيك يا زايـد جميـع الحضـارات

من مملكة بابل إلـى دولـة الصيـن

كم لك يا زايد في الأرض من مخوّات

كم لك يا زايد في الأرض من محبّين

كم عين شالت بين الاحداق عبـرات

كم قلب مطعـون ٍ بمليـون  سكيـن

كم نفس قالـت آآه وتجـر الاهـات

تجرّها مثل اللهب في ثـرى الطيـن

عليـك يـا زايـد بكينـا بحسـرات

ولـو البكـا بيفيـد بنعيـش باكيـن

لكن يا زايـد آآه روّحـت  بسكـات

وخلّيت جمـرات الدمـع  للمعزّيـن

خلّيـت سبـع ٍ وحّدتْهـا يتيـمـات

من شوفتك يا نبض خيـر  البلاديـن

لا والله انك حي بس انـت  بالـذات

ما يموت من عينه على كل  مسكيـن

وما يموت من خلّف لدار  الكرامـات