| محمد عبد الله ا...'s profileالشاعر/محمد عبد الله الب...PhotosBlogLists |  Tools  Help |
|
July 31 حديث العطرنعم سبحـــــانه الخـــــالق رسم هالكـــون في خــدّك مــــدام إن الحـــــلا كلـّـــــه لفــــاك وقبـّــل يْدينـــك وبعده شـــــــاف للأرض اليـبــاس وحط نسرينــــك تعرْفي الريح لو يغضب .. سكن لو شاف في عينـك يجوز أستغفـــر الله لا أبـــالغ قــــال لك : وينــــك يصيــــر البحــر وامواجـــه وأسمــــاكه مجانينــــك وانـــا ادري مــا أمــــر إلا على قلبــــك وتخمينـــك كبــرتي وشبــت يا بلـــواي يوم انتي في عشرينـــك تطوفي شـــارعي ويبقى حديــث العطـــر بعدينـــك أخـــاف ان شفت عنـّــابك أذوب بجمــرك وبينــــك تبيني بعدهــا أوصف بقايـــا حسنـــك وزينـــك ؟!!!
محمد عبد الله البريكي July 30 طفلة الريحقبل أوعّـي الشمس جيتي سوسنه تلثم سحابه تنسكب فوق الزمرّد والـمسـا شك الخلايــا يفرك عيون المرايا والوهـج صحّى الزوايـا تطعن خيول الظلام وتســرق النجمه مرايــا شارده من بعض كلّي ماخـذه كلّي حكايــا وخيمة الشيخ وضيوفه .. بندق وسيف وعبايا
تلعب النرد بخيـالي وأرتبك من هالدعــابـه
إيه أنا الغربه ثيـابي والألم بـخّر ثيــابــه
تلتقي فيني مداين تنولـد غابـه وغــابــه
عن دفا بيت القصيده عن شفـا الجرح وعذابه
يا بعد كل الأحبـه يا بعــد كـل القـرابــه
في يدك بيت القصيده ..رجّعي صوته وشبـابه
محمد عبد الله البريكي،،، حزينة المملكةحزينه المملكه لا.. لا .. حزين الكون قبل العين دموع اتلبّست زايد صبح فقـدك عليهـا ثيـاب فهد يا ابن الملك عبدالعزيز اللي خذاك البيـن ولا خلى قبل موتـك رجـال وأنبيـا واصحـاب كسرنا الموت قلنا لـه : إذا ماجيتنـا ميتيـن واذا مرّيت أرض اتطيح هامـات ودُوَل وارقـاب فهد كن السما كلها عيـون ٍ والبحـر بحريـن وناداها العطش وتفجرت تحـت الحجـاج تـراب بكاك البيت والمسعى ومن طافوا هنـا ملبّيـن وزمزم والحجر الاسود ومكه وركنها المنصـاب ويثرب والحرم فيها يصلّـي والبقيـع الحيـن تعزّي كل خفـاق ٍ علـى خطـوة رحيلـك ذاب فهد قالوا أديم الأرض مـن أجسـاد هالميتيـن وكل حيٍّ على الدنيا حجز كرت ووقف ع البـاب أمانينا بهالدنيـا غصـون اتمرّغـت بالطيـن تصير ايامنـا الفـاس ومنيّتنـا لهـا الحطـاب ولو ان الحياه تفنى بموت اللي سبـق .. فانيـن ولكن حكمـة الواحـد يسلّـم بعضنـا الجلبـاب فهد .. ما مات من خلّف رجال ٍ ع العهد ماشين رحلت وصار عبـدالله يكمّـل سيـرة الاحبـاب حزينه المملكه لكن عزانا انك خدمـت الديـن مثل زايد ابـن سلطـان تبقـى للنظـر أهـداب حزينه المملكه لكن عزانا انـك بوسـط العيـن مثل ما اتلبّست زايد صبح فقـدك عليهـا ثيـاب
محمد عبد الله البريكي،،، July 29 مفاتيح الفصولعلى الله ما يجـي حرفـي علـى ضلـعٍ يهـد السـور أبجـمـع كـــل أحـجــاره وألـــم الـطـيـن بـأزيـائـي
أبيـه إن لامـس إحساسـي يقـوم وينفـعـل ويـثـور علـى خيـر النقـا .. يطـلـق خيـالـي بـيـن أنـوائـي
يسافر للمـدى .. ينسـى الزمـان ويرجـم المغـرور يــقــول الله يــــا ورده .. تــقــدّر كـــــل آلائـــــي
وأنـا بيـن الـورق أجمـع فتـات اللـي بقـى بالـدور وأطوف الأرصفه الغبرا على الباقـي مـن أشلائـي
أفـتّـش فــي سجـلاتـي وأزاحــم طفـلـة الـديـجـور على شمـع الزمـان المنطفـي فـي معطـف أعبائـي
توكّيـت بعصـا حلمـي وشلـت سراجـي المكـسـور عين الشمس .. وأحضان المطر والليل وأخطائي
يحاصرني البحر .. يلعب على موج المسا والنور أشـوّر هالخشـب وأبحـث عـن الأبـراج بأعضائـي
سـألـت الـحـارس المـيّـت عـلـى بـوابـة النـاطـور عـن اللـي شالـت الطفـل الوليـد وبـاقـي أسمـائـي
سألت وصارت ظروفي القديمـه ..قطعـة الديكـور وبـاقـي هالستـايـر والـغـرف والــورد بأحـشـائـي
وجريـان الفـلـج فــي قريـتـي وغنـايـة العصـفـور وقطـعـه مــن ســوارٍ جابـهـا لــي حـاتـم الطـائـي
سألـتـك ويــن هالغيـبـه ثـمـان اشـتـاقـت الـبـلّـور عجـاف وهالسفـر أكبـر مـن إنّـه يجـمـع أشيـائـي
سألتك عن بعض بعضي ..بداياتي..عريش الزور مراجيح الزمان. الطين . حلمـي . عالمـي النائـي
صحيح إن الزمن وقّف عقارب ساعة الساطـور ؟ صحيـح إن الحظـوظ المايـلـه تشـتـاق أجـوائـي ؟
صحيح إن الرحـى عافـت غـلال الحنطـه المنثـور وبيـدار النخـل شخّـص أسـاس المشكلـه بدائـي ؟
ذكرتك .. آه ماقلت المطر يـروي الأراضـي البـور ولا قـلـت الـزهـر ينـبـت لخـاطـر عـيــن أهـوائــي
لغيتـي الذاكـره منّي..لغيتـي الــدرس والطبـشـور وجيت وقلت( سبحان الـذي أسـرى )بـك إسرائـي
تجيـن بغصـن زيـتـون وحـمـامٍ أبـيـضٍ مسـحـور تشكّـيـن النـهـار بياسمـيـن الـجــرح فـــي لائـــي
أنا إن قلـت لـك أخشـى الشهـاب المنفلت..معـذور أبــي أرضـيّـة الحـلـم الأخـيـر الـرافـض إجـلائــي
أبـي لاجـا البشيـر يكحّـل عيونـي عـن المحـظـور يسلّمْـنـي مفاتـيـح الـفـصـول ويـخـطـب إغـرائــي
وأنـا الواقـف علـى بـاب النهـار بدولـة المنصـور أبـي بعـض الخـراج اللـي يسـد الـجـوع بأزيـائـي
محمد عبد الله البريكي،،، محمد البريكي.. ينضم لقناة نجوم القصيدانضم الشاعر والإعلامي الإماراتي القدير محمد البريكي إلى طاقم قناة نجوم القصيد (NJOOM4) التابع لمجموعة قنوات النجوم لصاحبها سهيل العبدول
وتعد هذه الخطوة هي الأولى من نوعها للشاعر محمد البريكي من خلال الإعلام المرئي بعد تجربته في الإعلام المقروء
وسيقوم الشاعر بالإعداد والتقديم والإشراف على مجموعة من البرامج الشعرية التي ستنتجها القناة في الفترة القادمة
والجدير بالذكر بأن المختارات الشعرية التي تبث عبر القناة لكبار الشعراء في الخليج العربي تُلقى بصوت الشاعر محمد البريكي نفسه والذي يقوم بتسجيل قصائده الخاصة للقناة |
|
||||
|
|
